Programa de actividades de sensibilización no eido da doazón e transplante de órganos, así coma de participación social e promoción da saúde renal.
A doazón de órganos é un dos actos máis solidarios que pode facer pola persoas, tanto en vida como despois da morte. Na actualidade contamos en Galicia cunha taxa case 10 puntos por riba de negativas familiares con respecto ao resto do Estado, de aí a necesidade de que a doazón de órganos non sexa unha cuestión unicamente abordada desde os espazos sanitarios senón que forme parte das conversas cotiás.
Grazas a todas estas actividades, Alcer Coruña fixo preto de 30.000 doantes, o que demostra a progresiva transformación da sociedade con respecto á doazón de órganos.
Entre as actividades que levamos a cabo de xeito habitual, podemos destacar as seguintes:
– Informar, concienciar e promover a doazón de órganos entre a mocidade en idade escolar
– Sensibilizar sobre a toma de decisións en vida sobre a doazón de órganos en espazos de encontro da cidadanía xeral (centros socioculturais, asociacións, espazos municipais …)
– Visibilizar a doazón de órganos en mesas informativas
– Visibilizar hábitos de vida que promovan a saúde renal e hábitos saudables en xeral, así como ferramentas de apoio e favorecemento da autonomía persoal daquelas persoas que teñan dificultades co desenvolvento das actividades da vida diaria.
Profesional responsable do servizo: Alfredo Saborido (Coordinador e Traballador Social)
Correo-e de contacto: traballosocialalcercoruna@gmail.com
Teléfono de contacto: 670339066
